{ SKIP }
文:MenClub 摯樂  圖:互聯網
POSTED ON 09 May 2019
【你認到幾多角色】東京澀谷地鐵現30米長漫畫牆廣告

去過東京澀谷的朋友都應該見識過澀谷地下鐵係有幾咁縱橫交錯,連日本人都會迷失的澀谷地下鐵充滿住隧道交叉連接,不過如果將呢個繁忙交錯的地鐵隧道變成有趣迷人的公共藝術空間又有無得唸?!近日東京澀谷站的7A出入口就多左一個迷人的100尺超大長篇的動漫巨型壁畫,由日漫兩大巨頭集英社和講談社同共合作出品,用左旗下出色的知名漫畫人物交錯設計放落一個30米長的牆壁空間,壁畫主設背景係日本高中的校園空間,動漫人物們化身校園中,非常醒目吸引,可以話係「令和上學圖」。去開東京的朋友要去打下卡啦!

 

呢個動漫壁畫設計長30米,由一個實況日本高中校園為背景,放左好多兩大漫畫出版社(集英社和講談社)的知名動漫作人物入去,變身成一個活力十足,有趣古怪的校園,可說是5月踏入令和年的第一個令和漫畫年鑑,我會叫佢做「令和上學圖」!話說其實呢個係一個廣告,內容是兩大漫畫出版商合作的一個項目網站,叫做少年ジャンマガ学園』,呢個項目專門開放比22歲以下的年青人,目的係希望年輕一代閱讀更多漫畫,呢個網站己經將於4月8日開放一路至6月10日。內有150部兩大出版社的漫畫比少年人免費閱讀。

 

至於個漫畫牆廣告,大家行過路過唔好錯過啦!

 

係你未「返鄉」之前,我地一齊先行欣賞一下呢個澀谷漫畫牆呀!

 

呢間學校的同學仔不得了,你搵到幾多熟悉的同學仔?有《排球少年》的隊友們

 

 

日式獨有高中泥地球場有《Days》的足球隊同學,仲見到有《進擊的巨人》《亞爾斯蘭戰記》的古怪同學

 

 

 

 

 

在屋頂上,見唔見到...... 火影忍者和內輪佐助

 

 

 

 

 

 

大熱作品我的英雄學院內的人當然也入左呢間學校

 

 

 

 

... 呢位來自《FAIRY TAIL魔導少年》的納茲.多拉格尼爾同學點解會倒吊呢?...

 

 

......我來自《約定的夢幻島》的 Emma。

 

 

仲有好多好多古怪的同學仔,唔知你認得幾多個?我建議你飛去澀谷站的7A出入口,親自認一認觀賞一下佢地,係繁忙的交通通道當中見到呢個咁正的漫畫牆,感覺係熱血又舒暢,係咪好想即刻買張飛機票返「鄉下」呢?

 

 

 

 

上次條片又紅又暗睇唔清?「好彩」嘅係最新又有流出相同片啦,仲係光天化日之下,睇哂新蝙蝠裝同蝙蝠電單車嘅全相添!
hobby
新片流出 《Batman》盔甲、電單車露全相
24 Feb 2020
【台灣街頭藝術】魔神英雄傳Graffiti 華人也能自由創作 改變街頭文化 Graffiti噴畫街頭藝術,係上一輩的人眼中可能是唔正經,反叛的代名詞,然而凡事都有正反兩面,當一個社會地區正正常常穩定自由,藝術才會開 ...
hobby
【台灣街頭藝術】魔神英雄傳Graffiti 華人也能自由創作改變街頭文化 ... ...
24 Feb 2020