之前我哋都有介紹過《芒亨世界》(Monster Hunter World) 將會有一個大型付費DLC 推出，就好似以往升做「G」位咁嘅更新，主題以冰凍世界為主，同主Game 嘅熱帶，沙漠等地嚟個大反差，而近日官方更公佈幾款將會加入嘅新「龍」，當中有個熟識嘅「龍友」出現。 

幻之古龍-冰龍，同原Game 嘅Juno(滅盡龍)一樣同為封面龍，似乎係故事嘅主軸，外型上同同為古龍嘅黑龍系列有幾分相似，可能會以黑龍為藍本製作。

猛牛龍，應該都係角龍嘅朋友嚟， 無論姿勢定係外型都十足十。聽個名都知，佢會衝嚟衝去，着紅色裝會成為目標嗎?(誤)

凍魚龍，應該係冰鮮版嘅泥魚龍，熔岩龍嘅對家。哩個版本入門級新Boss，等大家熱熱身去適應下哩個寒冬。

迅龍，一個熟識嘅老朋友，有玩過MH3(MHP3) 嘅朋友，應該對佢唔陌生。小熊所喜愛嘅忍者裝返嚟啦！奇就奇在，相同嘅模組，冷凍之地唔係出轟龍，而係出佢...希望接下來會公佈有埋轟龍啦！因為轟龍都唔少Fans 㗎...

由芒亨XX一嘢升級到芒亨世界，畫面絕對係一種享受，而今次亦唔會退步，見到厚雪中有腳印，光位亦唔見得死白一片，玩時臨場感一定好正。

有趣嘅地方係...遊戲入面居然有溫泉，雖然喺MHP3 時有用溫泉代替貓飯，但今次似乎係要喺中間浸下溫泉，保時返啲體溫，以免凍傷。

似乎，冷凍之地唔係迅龍出沒之地，樹林先啱佢。希望佢嘅兄弟轟龍會喺冷凍之地登場啦！

下載版嘅預約購買已經開放，預購者可以優先得到【「雲結」系列(外觀裝備) - 「ユクモノ」シリーズ（重ね着装備）】以及主機主題。

而實體版亦會推出一個名為「Master Edition」預計同之前推出嘅最豪華版本相同，都係會附有Figure，Sound Track CD同埋畫集。

細心欣賞一下首條PV啦!

《Monster Hunter World ： ICEBORNE》

平台：PS4 / PC 
推出日期：2019年9月6號預定
售價：實體版 6,990円(未連稅)起 / 下載版 4,800円(未連稅)起

詳細價錢及附送品請參考官方網頁。