「紅魔鬼」曼聯今個球季已經結束，回顧球隊今季嘅情況可以用大起大落黎形容，先有領隊摩連奴帶隊情況不理想被球隊辭退，到前球員蘇斯克查走馬上任搶任臨時領隊，隨即球隊表現反彈，令人見到希望。不過就喺球隊與蘇B簽下正式教練合同後，球隊表現再次急促下滑，最終賽季完結，球隊只能排在聯賽第6位，無緣來季歐聯。

雖然度過一個唔太令人滿意嘅賽季，但過去就由佢過去，球迷們還是展望來季球隊能夠幹一番大事業。不過，最新嘅消息有指曼聯有興趣讓前球員費查擔任球隊嘅技術總監，但球迷卻對此非常不滿。

就喺曼聯決定用上蘇B擔任球隊教練，球隊就已經想重新組建架構，其中技術總監將會擔任塑董事會及領隊嘅橋樑，因此將與蘇B有著密切關係及需要經常合作。

雖然另一前曼聯球員里奧費迪南以及萊比錫的Paul Mitchell都係候選人，但係曼聯目前嘅首選都係費查。

35歲嘅費查曾與蘇斯克查做左隊友4年，而今季佢則喺史篤城效力嘅第二個球季，為球隊出戰英冠聯賽。雖然費查一直出名冷靜，又係球場中間大腦嘅球員，但球迷對於佢成為曼聯嘅技術總監並唔滿意。

不少球迷都喺網上回應有關傳聞，認為難以接受費查擔任曼聯嘅技術總監，甚至認為當日聽到呢個消息係佢一整天聽過最差嘅事。又有人認為球隊只係著迷用上前球員，覺得球隊將要完結了...

Man Utd fans react ANGRILY to news Darren Fletcher may be appointed technical director https://t.co/nRWPwRfyX8 pic.twitter.com/jjp3qrvNem

— MANCHESTER UNITED NEWS ⚽️ (@SirAlexStand) 2019年5月13日

雖然有唔少球迷都質疑費查，但係費查喺曼聯嘅球員時期表現專業，深得費Sir喜愛，喺效力球隊期間一共上陣342場比賽，攻入24個入球，並為球隊帶來9個主要冠軍錦標。