【柯南的對手】無敵電影《復仇者聯盟4：終局之戰》香港衝破2億票房 

預左破紀錄都要講句恭喜，無敵的2019年超級電影《復仇者聯盟4：終局之戰》相信大多數會入戲院的人都已經睇左，順理成章成為香港本地歷史上最賣座電影冠軍，20日上映期截至昨日已經衝破左2億票房，無錯原來香港電影業可以正場收到2億！我地只計小小「蛋卷」之地的香港，鄰國的幾多億就不提了（主要指輸左比《名偵探柯南：紺青之拳》的日本市場）！所以話做好電影本身，香港自身票房都可過億，不過有今生無來世的復仇者似乎又係與別不同的！

Marvel Studios《復仇者聯盟4：終局之戰》開畫20日衝破2億票房橫掃 $204,462,653 (資料由香港影業協會及香港戲院商會屬下機構 -  香港票房有限公司提供)，正式成為香港史上最賣座電影，帶領本地電影院線連續兩星期爆滿熱潮。數得出的數字拿得到的威勢復仇者聯盟4全部都取得，唔知而家係熱潮水尾定還是大家會依然火熱好像刷牙般去睇多幾次？

下面這位Zoe Saldana 分別有份演出三部世界最高票房電影《阿凡達》、《復仇者聯盟3：無限之戰》及《復仇者聯盟4：終局之戰》！

我就建議睇左好多次的朋友大家買返張原聲大碟再等候日後出4K影碟買來珍藏，然後向前看睇下接下來有咩新戲上映啦！當然你未睇或只睇過一次就牙都唔好刷，先去睇左終局之戰先