【自製風之谷】巴西有團隊自拍重現真人版《風之谷》電影

近年大小動漫作品都流行重拍真人版電影，甚至連新海誠畫到咁真人都要重拍真人版《你的名字》，如果一個經典大作無拍真人版電影作，作為超級粉絲的當然心有不甘，於是乎係呢個人人都可做電影的新世代，就有一班有料之士行出來，呢班友在巴西，一個小型工作團隊，佢地的目標係拍攝真人版《風之谷》電影，近日公開左佢地自家出品的電影預告，又拍得幾好！！重現到原作中幾個經典場面！

呢個真人版影片由一個巴西的獨立製作小組製作出品，呢個小組主事人叫Chris Tex，近月開始係自己的Instgram公告自己《風之谷》的製作和花絮，不過就無講明電影的成本和片長等內容，只係話完成後將會係網上作免費公開播映，成品就未定，但預告就睇到有一定的水準，可以喚起《風之谷》影迷的一些回憶。如果你也是《風之谷》影迷，要留意一下Chris Tex期待佢地完成DIY《風之谷》真人電影，反正唔駛錢，點都要支持一下用心佳作。

團隊代表 Chris Tex就係網絡表示，這部影片與吉卜力工作室無關，只是由一群過份熱血的導演和動畫師向《風之谷》呢部經典作一個「致敬」。影片中可以看到製作團隊結合實景拍攝和 3D 動畫技術，呈現包括娜烏西卡的滑翔翼、裝備、王蟲軀殼等等真實版都似到十足十。

最後香港的年青朋友，電影的入門門檻其實唔係話特別高，肯試就有機會，如果你都想拍出有趣火熱的作品，其實你都可以，呢個世代人人都可以做電影，只要你唔怕輸肯做「復仇者」(失敗乃成功之母！)。