即係咁，高達世界入面，最元老嘅HeHe，非亞寶同馬沙莫屬。早排Robot 魂推出咗夜鶯，咁一對孖裝HeHe 咁賣都好正常，一睇P-Bandai 個網都覺得有啲奇怪，唔係寫再販或者Set 裝，而係新品一樣。作為Metal Robot 魂第一款推出嘅產品，Hi-Nu質素只係咁上下咁啦，而依家推出居然會係新修定版，更加係大眾喜愛嘅Ver. Ka 方向。

改動主要係喺上半身， 除咗老鼠仔上臂同腰後方無改，上半身都幾乎轉晒。令到整體更加貼近MG Ver. Ka 嘅設定。背包更為明顯。而前裙甲嘅修改，可能係為咗將會可能極有機會或許有計劃推出HWS 嘅外甲而作出嘅修改。最重要係，個頭改完真係英氣十足，自信心返晒嚟。比較下舊版晒新版就知有咩唔同:

舊版:

新版:

另一個本體以外最明顯嘅差別，就係附送嘅專用台座，印上嘅圖案由黑底白字轉為黑底金字，開發圖睇就係啞金色，但相信產品推出時將會係燙金色，鍾意邊款就見人見智啦!而字體方面新版就感覺上高貴啲。整體分別似係舊版係HGUC Hi-Nu，而新版係MG Ver. Ka Hi-Nu。

今次新版決定放喺P-Bandai 上賣，應該係怕咗之前通販變跳樓貨。今次希望可以Keep 到質素同價錢。

注意一點嘅係，今次哩隻Hi-Nu 只限日本國內發行，即係代表香港P-Bandai 唔會有賣，有愛真係要搵日本朋友或者搵舖頭代購啦！

喺介紹完Hi-Nu 後，忽然出張咁嘅剪影圖，而哩個巨大兵器係乜家伙呢?對艦炮?又唔多覺有哩個設定。。。希望快啲公佈，可能會有Hi-Nu 小說/動畫推出。

METAL ROBOT魂 ＜SIDE MS＞ Hi-Nu Gundam ～ベルトーチカ・チルドレン～

推出日期：2019年10月預定
售價：12,100円(連稅)
全高：~140mm
****本產品只限日本國內購買