《男兒當入樽》作為運動漫畫界嘅神級作品，其作家井上雄彦自然受到萬人敬仰。而喺《入樽》完結後，井上老師再開另一套籃球漫畫《Real》，但係自從2014年11月推出第85話後，至今已經停載4年半。不過，近日最新消息就係《Real》終於再次開始連載，各位Fans尖叫吧！

據最新嘅消息指，《Real》於5月23日出版嘅《周刊YOUNG JUMP》再次開始連載，並且成為今期周刊嘅封面，可以說明井上老師嘅作品仍然係非常受到重視的！

井上老師呢套籃漫畫《Real》與《入樽》並不相似，內容講述輪椅籃球隊東京Tiger成員戶川清春、野宮朋美及高橋久信三人嘅故事，每一位隊員都有自己的故事，其中講到三人離開籃球後都不約而同做野無樣順利。

雖然《Real》要達到《入樽》嘅高度應該無咩機會，但係作為井上老師嘅作品，Fans們你又會唔會支持呢？