「雲爺爺」雲加自從唔再執教阿仙奴後，低調嘅佢好似已經消失於球迷眼前。不過，日前一場慈善賽入面，雲加終於露面並上陣參賽一顯身手。而今次慈善賽除左有雲加之外，更加包括98世界盃冠軍法國隊嘅部份成員，其中施丹亦在其中。

今場慈善賽喺法國波爾多舉行，其中參賽嘅球員不乏傳奇球員，當中當然以施丹及雲加最受矚目，而佢地兩人則分別代表不同嘅隊伍。

雖然場上嘅球員年紀都已經有番咁上下，但係技術方面仍然係相當高的，當中法國球王施丹絕對係最出色的。不過，大家亦都唔係睇少雲爺爺，呢位目前放低教鞭嘅老人家技術亦都唔野少，其中一幕就係佢成功利用腳法過掉施丹，據網友表示雲加使出嘅係「告魯夫式轉身」添！

而更有趣嘅係，今場比賽原來上下半場各有不同，上半場係足球比賽，下半場竟然換成欖球比賽，實在係非常罕見！