相信有睇《男兒當入樽》嘅朋友一定好記得湘北大戰海南其中一幕，就係安西教練為左阻止海南隊長牧紳一，要求球員當阿牧殺入禁區嘅時候，就四人一齊夾擊佢，令佢四面受敵，無辦法動彈！

勢估唔到原來NBA都會用呢個Box and one戰術，就喺速龍面對勇士嘅第二戰中，主隊就用Box and one對付Stephen Curry。主隊派一位球員盡可能身貼身防守Curry，而當Curry殺入顏色地帶時，速龍就會以4人從不同方位夾擊Curry，令其可動空間收窄，甚至出現失誤。

確實速龍呢個戰術係成功令Curry出現失誤，並且喺第四節1分未得，但Curry仍然可以為隊友製造空間及機會，就好似喺比賽最後時刻就係靠Curry嘅跑動令Andre Iguodala獲得極大空位，從而投中致命三分球，最終協助勇士成功贏下第二場。

對於速龍呢個Box and one奇招，Stephen Curry細佬Seth Curry認為不可思議，因為喺NBA任何一名球員被走甩都會帶黎致命傷害，而明顯速龍知道Curry對於勇士嘅重要性，所以決定賭博式的去限制Curry，結果有無效就真係見人見智。而下一仗作客勇士，唔知速龍又會唔會有其他奇招呢？

They playing a Box and 1? Lol

— Seth Curry (@sdotcurry) 2019年6月3日