由細到大公園你去得多，日本公園唔知你有無帶細路去放電，近日係日本公園中的螺旋狀的金屬棒就意外成為Twitter熱話。事緣有人上載影片教大家公園螺旋金屬棒應該點樣玩！螺旋金屬棒係日本公國經常都會同滑梯一齊出現，好多小朋友都係用來爬上去瀡滑梯，大家的理解都應該一樣，但原來當中都有誤會，條螺旋金屬棒除左用來爬上去，仲可以當滑梯瀡，都係用來瀡落去，唔知有幾多人知道發掘到呢個正宗的玩法？

大家有無印象香港公園滑梯旁邊有無邊度有螺旋的金屬棒！？

日本公園的瀡滑梯近年會伴隨著一條神祕的螺旋金屬棒一起出現，有位暱稱オータニ的日本網友近日就拍攝左條片示範教大家真正玩法，立刻在Twitter引爆話題……原來呢條野都係用來瀡！！！

結果大家根據製造遊樂器材的日本廠商KOTOBUKI的官方網站顯示，這個螺旋金屬棒的正式名稱是「くるくるすべり棒」，直譯可以解作「轉圈圈瀡滑棒」，顧名思義玩法就是讓小朋友跟瀡滑梯一樣坐住瀡落去，然而很多人卻一直以為這只是方便讓人爬上滑梯的設計……真係唔講唔知冷知識，講落就好想放工去公園睇下，不過望下自己身型，會唔會瀡唔到落去卡住要消防員救？