由MegaHouse公司發行嘅Portrait.Of.Pirates（P.O.P）大家都相當熟悉，而佢旗下嘅「NEO-MAXIMUM」更係當中最大型最有氣勢嘅分支。適逢P.O.P系列模型發行15周年，今次佢就推出「火拳艾斯」做NEO-MAXIMUM系列嘅15周年LIMITED版！

NEO-MAXIMUM系列15周年LIMITED版嘅「火拳艾斯」揀咗佢擊發火拳時嘅準備動作為模型設計，仲加埋火焰特效，成件事相當有型！

呢款「火拳艾斯」模型由6月7號日本時間下午一點開始接受網上預訂，售價為22000日元（税込），預計2019年11月發售，想買嘅巴打睇準時機就好入手喇！