一般來講，電競遊戲或大多數運動都講求團隊精神，不過呢個世界有時同你初想不太一樣，可能有智慧之士認為隊友太豬，自己一個人就可搞定，於是外國就有神人遊戲KOL，一人操作五個角色玩Rainbow Six對戰透過轉換器連接 5 部電腦，解決重重困難發動五個人的暴動戰，係遊戲世界裡面，仲贏到一場添喎！

一人分飾五個玩家的是YouTuber名叫Basically Homeless，排名同實力係Rank KDA 2.02，而佢有一個大膽的想法，就係一人操作其他隊友，進行網絡5vs 5的對戰，不過要咁樣做有個前題，就係錢，呢個世界咩都要錢，一次過操控五個玩家同時參戰，先要有五部電腦五套Mon，五套機同買五隻相同遊戲，呢個應該是第一個遇上的問題，不過有錢就唔會有問題，所以佢過左第一關。

就算你買齊裝備都要克服其他問題，因為他連接了五部電腦之後，五個角色所收到的音效同時傳入耳機時，呢位Homeless根本無法辨別敵人對手的腳步聲，尤其是像動作槍game (Rainbow Six)呢類先發聽到對手位置就無往而不利的遊戲。此外，佢必須要令角色們都在動，因為四位失去控制的角色會因為閒置太耐而被遊戲系統踢走。

Basically Homeless玩家作為一名YouTuber當然還要影相要拍攝，五部電腦五部mon，仲要打燈，超大電量瞬間爆電箱跳電，故此，佢只能再搵辦法拉另一條長電線入去駁電借電。問題天天都多，呢位仁兄搞完電的問題又要解決OBS NDI 多平台直播的 IP 衝突難題，不過有志者鄧竟成，要解決的都不是難題。

最後佢成功進入遊戲，最初因為無法同時操控五位角色，難以防守，又遇到好大障礙，不過由於有五部機睇位，進攻方面反而非常強效，合符佢勇武派死衝的特點，掌握比別人多的情報，而且好彩的話仲比人多四條命！！！

結果，最後Homeless兄好不容易，真係比佢嘗試到勝利的滋味，仲成功用唔郁動的角色作餌引到對手睇定來擊殺，他真係成功贏到呢！！一人操作五人暴動戰咁都比佢贏到！

不過我係度勸戒大家，遊戲不是咁樣玩，齊心合力才是真遊戲之道，打機又怎能自己一個玩哂呢！！一人分飾五角的玩法睇下笑下就好了………唔好跟土豪KOL任性呀….