馬來西亞前羽毛球一哥李宗偉，較早前舉行記者會宣佈因病無奈退役，呢個消息震驚羽壇，因為雖然李宗偉曾患上鼻咽癌，但經醫治後已經康復，並重新回到場上進行訓練，可惜卻還是突然宣佈退役...

對於李宗偉退役呢個決定，相信唔少球迷都非常傷心卻失望，但呢個係佢無可奈何之下嘅決定，因為如果繼續進行訓練，佢將可能再次病發。

李宗偉表示：「幾個月前，大家都知道我患上鼻咽癌，而我努力面對佢，最終康復結果不錯。因此我想再為夢想拼多一次，我害怕帶著遺憾離開球場，我害怕不能為馬來西亞帶來奧運金牌，所以當我知道自己康復即時帶起球拍，再次進行訓練。」

「幾天的輕量訓練後，我感覺不錯，所以希望醫生可以批准展增加訓練強度，可惜的是醫生表示我嘅掃瞄結果令人失望，如果我再進行訓練的話，我嘅癌症將有機會復發。」

由於為家人著想，不想太太擔心，所以李宗偉只能夠放棄訓練及復出參加奧運嘅夢想，專心做一個好丈夫及好爸爸。不過，雖然李宗偉口裡說已經無遺憾，但試問贏得一切唯獨未贏過奧運嘅呢位前一哥，明年本係最後機會卻最終落空，呢份遺憾將會跟佢一生。