鹹蛋超人，係我哋東方人細細個叫嘅超人，喺早前有推出新世代嘅動畫版，真人特攝版亦會推出新世代版-《Ultraman Taiga》，而第零話(無錯呀！唔好問，人哋係咁講)亦已喺官方Youtube Channel 度播放。而正式嘅第一話將會喺7月6於日本電視台播放。各位鹹蛋超人迷，相信會密切留意香港幾時會接住日本播放啦！

超人家族再添三位新城員，而且手上亦有變身器，睇嚟玩具將會成為一大賣點了...

第一位係名為「Taiga」，係超人太郎嘅仔仔，原來已經喺1973年第一部超人作品出現過，喺今作中同另外兩位來自唔同地方嘅超人一同組成守護地球嘅防衞隊名為《三角連聯盟》(暫譯)。配音員:寺島 拓篤

第二位係來自光之國其它星系U-40惑星嘅戰士Titus，無論體力或者係精神力都非常強悍，絕對係一位重量級嘅戰士。配音員:日野 聡。

第三位係來自光之國O-50惑星嘅Fuma，屬於速度同技巧型，帶一點衝動。配音員:葉山 翔太。

敵人方面亦出現光之國嘅邪惡超人，設定上原本係光之國嘅國王而且係超人爸爸嘅老友，但唔知因為乜嘢而變咗邪惡(其實原因係乜都無乜所謂啦!都係果啲:呀!!!!!!!嗚!!!!!!呀!!!!!!就變邪惡)。配音員:内田 雄馬。

眼看情況係鹹蛋超人唔再係自己一條友打怪獸，而係行戰隊模式，而且敵人又係超人嚟，但今次唔係黑色版，而真係邪惡樣。唔知大家接唔接受哩個轉變呢?

周邊產品已配合推出，先係變身器，造型相當唔差，不過都係玩具級，唔係精品級，相信無懞面超人變身器咁吸引。

普通版

限定版

CD Sound Track 亦已推出， 奇怪嘅係，小熊覺得普通版嘅封面吸引啲囉，起碼係超人嘛...

第零話：

植入式廣告預告片：

超人動作簡介：

《Ultraman Taiga》

播放日期：2019年7月6日起，逢星期六
時間：早上09:00~09:30
頻道：日本 - テレビ東京・テレビ大阪・テレビ愛知・テレビせとうち・テレビ北海道・TVQ九州放送
製作：円谷プロダクション・テレビ東京・電通