星際大戰系列電影《STAR WARS：天行者的崛起》將於今年年底上映，而美國加州迪士尼樂園嘅「星際大戰園區」亦係早前春季盛大開幕，可見星戰嘅魅力一直都存在。而今日要講嘅星戰商品更走入大家嘅生活，決定要將原力與大家同在。

今次迪士尼就聯同家具設計師Kenneth Cobonpue合作推岀一系列星戰主題家具，每款家具都帶有星戰嘅特色，超有質感而且還極具未來科技感。

Kenneth Cobonpue係菲律賓當紅嘅設計師，今次同迪士尼推岀共五款家具，包括3個扶手椅、1個矮腳凳和1個造型吊燈，全都由星戰經典角色為藍本創作，可以話每件家具都勾起星戰迷嘅回憶！設計師亦表示佢希望可以將星球大戰角色嘅精髓都融入到設計中，而且亦透過個人設計特色將設計變得有趣。