非常時期，非常輕鬆下，不如講單遠在韓國的趣聞比大家離地一笑，話說早前韓國有一位網友OL，係6月頭在網上出post聲稱自己有日返工時不慎將一個裝住公司55萬韓圜現金的公文袋一齊放左入公司碎紙機，然後55萬碎銀變到中藥咁碎渣！由於碎紙機是有規律的條狀，於是呢位極傷心OL心諗「仲有得救！」…………….於是就長期拼砌，嘗試將13張完全化碎的韓國五萬圜紙幣還原…………最後呢位OL居然係網絡“上水”出沒仲報告近況，原來佢用2個月的時間成功救返佢55萬，個故事仲好勵志！！

話說呢位大頭蝦OL，將現金信封當做收據信封，一手就放左落碎紙機，一下子就無左55萬現金韓幣，佢大錯鑄成後，聽人講只要將爛錢拼返80%出來，就可以去銀行換返新錢，唯一難題是佢公司用的碎紙機唔係求其碎長條，碎片最大0.5cm寬、1.5cm長，全部都細過高階拼圖，係一個不可能的任務。

正當大家睇完佢的痛心post，茶餘飯後兩個月，樓主居然回來報告，並附上完工照片，佢成功用左2個月時間，收工同週未—有時間就對住堆碎片，仲係全家鼓勵之下（但無人幫佢砌） ，2個月成功大還原全部13張銀紙，最後成功去銀行換取佢的人間勝利大賞，果然是有志者鄧竟成事竟成。佢的成品完成度真係好高

呢位OL的公司上司仲讚賞佢利害，請佢食飯添呀…………..呢個故事教訓大家無論事情睇落有幾艱難，堅持終會勝利！！唔知有無人睇完呢個勵志故事想自制金錢拼圖試玩一下。

最後其實55萬韓圜是等於港幣約3650元，你會唔會為3千蚊花費兩個月心力先？