黎緊8月底籃球世界盃將會喺中國多個地方中舉行，而比賽焦點當然係美國隊，以至一班NBA巨星啦。不過可惜嘅係，美國隊接二連三有多位球星退隊，表明唔會參加今次籃球世界盃，相信令唔少中國球迷非常失望。

本來美國隊嘅集訓營就已經無LeBron James、Kevin Durant、Stephen Curry、Kawhi Leoanrd等巨星，但勢估唔到竟然越黎越多有份入選集訓營嘅球星都相繼退出，其中包括：Damian Lillard、DeMar DeRozan、Anthony Davis、James Harden、Eric Gordon、CJ McCollum、Bradley Beal及Tobias Harris及最新嘅Kevin Love。

喺以上9位球星退隊後，如今嘅美國隊已經暗淡無光，陣中最注目嘅就只餘下Kyle Lowry及Kemba Walker，又或者新生代嘅Donovan Mitchell、Kyle Kuzma及Jayson Tatum。憑以上幾位球員作為球隊核心，呢支美國隊能否奪得冠軍將非常令人擔心。

而今次多位球星退出原因其實都非常明顯，當中主因必定係因為比賽嘅時間定得太接近新球季，如果出戰世界盃將變相減少球星們調整常規賽狀態嘅時間。

另外，當然就係受傷問題，相信大部份球星都一定睇過Paul George斷腳嘅片段，佢地都擔心會因為不必要嘅賽事增加自己受傷嘅風險。

最後，籃球世界盃並不是非常重要嘅比賽，重要程度遠不如奧運會，因此球星們都唔會去冒上不必要嘅風險。