生活愈唔容易愈需要娛樂，如果你是影音浪人就不如放眼世界睇下世上奇特的新影音喇叭，加拿大就有個法國人推出左一款全新的高級兩聲道音響喇叭，但就同傳統的喇叭唔一樣，佢以模組方式一柱擎天一層一層像積木咁砌到上天花頂，可放兩邊測牆，據稱聲音可360度包圍整個聆聽空間，每個模組都可連接，是一個主動式(唔需要後級)的喇叭系統，需要幾多個模組就睇你房間的高度，一般至少上到去天花底80%以上，算係喇叭的新玩法同創新設計，信不信由你，望望加拿大新喇叭幻想一下遠離家園過簡單日日有音響的田園生活，總比活在一個刺鼻的城市好。

呢間加拿大音響公司Ruel以物理和科學計算設計出世上第一個模組化的喇叭音響系統，佢地稱為Ruel +系統，是無交叉全方位發聲的喇叭，所謂模組化就是佢地由低至高一舊一舊砌上去，每一舊可分別負責唔同的發聲聲音頻寬，所以一個全頻的聲音系統最少需要8層，組8展的模組，然後最高可砌到上20層，不過具體玩法是更少高度要上到你天花8成以上，否則就未必能夠做到全頻如廠方計算的聲音。

呢個設計師Thierry RUEL係法國人，移民加拿大，最初是調琴師出身，以俄羅斯樺木人手製作每一舊喇叭。每一舊27.94厘米高的R +模塊喇叭中有7個直徑為3.81厘米的喇叭發聲單元，專門用於此系統。每個模塊的背面都是被動發聲膜，承擔著提高低音帶再生效率的任務。從外觀玩法到設計都同一般喇叭好唔同。

另一方面，R +對影音系統無太多要求，由於其為主動式插電唔駛後級，故此直接比咩訊源就出咩，唔駛要像一般喇叭去匹配後級。用戶只需要1個帶有XLR音頻輸出端口的前級放大器即可使該系統出聲運作。來自R +的聲音會將在整個聽音室均勻分佈，使得用戶在站在系統附近或遠離時難以感受到音量的變化。以上是廠方公告，希望我都香港有機會見識到呢種神奇的喇叭音效。世界上能設計獨特產品的人唔少，但能成功成為商品再營運傳銷就需要好多因素配合，睇落呢個喇叭都幾有趣，希望唔係吹得就吹！！

想試用都價格不菲，落單要先等3個月製作期，再報報價一個8英尺的柱子起價為21,500美元。

技術規格

• 頻率響應 - 40Hz至19 kHz±2 dB
• Dispersion Constant - 180度
• 功率 - 每列1000瓦RMS
• 聲壓級 - 1米時最大104 SPL（最大峰值125dB）
• 具有可切換水平靈敏度的輸入平衡XLR：高度 - 從7'7“到18'7”（天花板從8到24英尺）
  • - 2伏RMS
  • - + 4dBu（最大6伏）
• 重量 - 每個模塊10磅（5KG）