{ SKIP }
文:MenClub 波特先生  圖:互聯網
POSTED ON 07 Aug 2019

烏拉圭傳奇射手科蘭今日宣佈掛靴,正式結束自己22年嘅球員生涯,進入人生另一個階段。

現年40歲嘅科蘭表示:「(掛靴)並唔容易決定,之前有唔少訪問都問過我呢個問題,雖然我地唔希望呢一日黎到,但係我地知道呢一日點都會黎,而家我決定結束球員生涯。」

「我此前一直考慮掛靴一事,最近我收到幾份報價,但當考慮後總係會有藉口推卻。我有其他更重要嘅事情要做,因此我知道退役應該不遠了。」

「我目前正考慮舉行告別賽,而地點肯定會喺烏拉圭,球迷總係比到我好多愛,佢地對於我黎講就係一個家。」

對於科蘭退役,作為其前國家隊隊友嘅蘇亞雷斯亦大讚科蘭成功嘅職業生涯:

科蘭作為一名左腳球員,11歲就加入烏拉圭當地嘅球隊進行青訓,其後直至18歲正式加盟阿根角球隊獨立隊成為職業球員,後來亦曾加盟多支豪門,其中包括:曼聯、馬體會、國際米蘭。另外,佢喺生涯最後曾黎到香港加盟本地球隊傑志,令唔少球迷為之瘋狂。

雖然喺曼聯交力期間,科蘭表現未算令人滿意,但仍然為球隊帶來一個英超冠軍及一個足總盃冠軍。直到轉投馬體會,科蘭作為射手嘅能力全面爆發,其中喺2008-09全季攻入35球,成為歐洲金靴獎得主。除左個人榮譽之外,科蘭亦都有「世界波專家」嘅美名,說明佢經常射入世界波,球迷們真係要人睇再睇!

另外,科蘭喺國家隊嘅表現亦都亮眼,整個國家隊生涯上陣112場攻入36球,其中2010南非世界盃更帶領烏拉圭殺入四強,最終更成為當屆嘅金球獎得主。

《拳皇》唔打架可以做咩?
hobby
【格鬥少女風】《拳皇》唔打架,玩友情與愛情?!
13 Sep 2019
【西瓜不醉】日本人氣食好西「劈酒西瓜」DIY威士忌打爆請你食 中秋佳節,大家開開心心放好假,和家人朋友食好西,飲飽食醉,咩野煩惱都扔諸腦後,係呢個咁快活的日子,等我推薦大家製作一個專攻假日的好西食品, ...
hobby
【西瓜不醉】日本人氣食好西「劈酒西瓜」DIY威士忌打爆請你食 ... ... ... ... ...
13 Sep 2019