{ SKIP }
文:MenClub 波特先生  圖:互聯網
POSTED ON 12 Aug 2019

唔知近期係咪興假扮,最搞笑嘅係竟然有人cosplay曱甴,而原來連「大帝」LeBron James都有人假扮,講緊嘅係佢目前正在拍攝嘅電影《太空也入樽2》(下稱《入樽2》)。

作為《入樽2》嘅主角,又係NBA嘅巨星,LeBron James絕對係係電影入面擁有最多戲份嘅演員,而當中亦肯定有不少籃球動作需要展示。不過有消息指LeBron嘅所有籃球動作將唔會由佢親自完成,而係由假扮佢嘅人進行。

據《入樽2》提供嘅消息,將會假扮LeBron嘅替身叫做Sheldon Bailey,佢將會替LeBron完成絕大部份嘅籃球動作。據指,搵黎Bailey擔任替身,主要係因為怕LeBron喺拍攝籃球動作時不幸受傷,咁將會影響佢黎緊賽季嘅狀態。

要假扮LeBron絕對唔容易,除左個樣要夠似之外,籃球技術點都要有番咁上下。而呢位Bailey身高6呎6吋,成為演員前曾喺佛羅里達大家打籃球,另外佢同LeBron亦都唔係第一次認識,因為佢以往已經喺多個廣告中假扮LeBron,其中包括NBA2K等。

講真,你見到佢著住同LeBron好接近嘅衫,你真係唔會分得清邊個打邊個,所以出街嘅時候真係要小心,千祈唔好比人呃到!

//呢位前AV女星著住件屈福特波衫亮相,引起網民瘋傳,但又唔好以為佢搏出位,事關去年開始佢已轉型為體育主播!//
hobby
玄火 - 體肉主播Mia Khalifa
20 Sep 2019
自由係無價架!
hobby
【球王都撐】C朗拿度:「我想要自由呀!」
20 Sep 2019