曼聯今夏成功增兵，開季大勝車路士4:0令唔少魔迷都非常期待球隊今季表現。不過曼聯陣中仍然有唔少問題需要解決，其中智利前鋒山齊士就係難題之一，因為其薪金極高，但卻未能交足功課，甚至今夏一直有傳球隊想賣走佢，但始終未能成事。

而近日有最新消息指，曼聯終於搵到人接收山齊士，佢地就係意甲球隊國際米蘭。據指，國米向曼聯提出租借山齊士一年，其後可以以1375萬鎊優先購買呢位射手。唔單止咁，國米仲願意支付山齊士全數50萬鎊嘅週薪。

山齊士本人有指已經向曼聯領隊蘇斯克查提出離隊要求，因此目前等待嘅就係曼聯方面首肯。雖然能夠承擔山齊士未來一年所有薪金，但曼聯方面仍然希望可以獲得2200萬鎊嘅轉會費。

對於曼聯黎講，山齊士基本上已經變得可有可無，佢自從加入球隊後一共上陣45場比賽，但就只攻入5球，完全交唔出當日效力阿仙奴期間嘅表現。

山齊士呢位高薪低能嘅員球，曼聯其實一早已經想將佢清掉，但奈何無球隊願意接手，如今終於等到國米出手，唔知球隊會唔會願意收順一啲比佢離隊呢？