去年11月我地介紹過Netflix將重啟動畫《神娃之伊莎莉亞戰記》《She-Ra》,近日美國《He-Man》系列的展會PowerCon上，動畫電影製作人Kevin Smith宣佈將會製作全新的《He-Man》新系列動畫作品，承接延續 80 年代的動畫原作劇情，講述He-Man同骷髏魔的最後決戰，相信會係新世代Netflix又一套舊作翻新的動畫接力之作，唔知你會唔會知咩野係《He-Man》，有無聽過請骷髏頭堡賜我力量！……我已經充滿力量喇！

《He-Man》全新系列作品名稱為《Masters of the Universe: Revelation》，故事同世界觀都係 80 年代的原作直接延續，當然前題仲有人記得個故事做到邊同講緊咩野？對不起我其實未睇過《He-Man》，只聽過前輩們大叫請骷髏頭堡賜我力量！……我已經充滿力量喇！

跨國玩具公司美泰兒Mattel電視副總裁 Rob David 將會擔任執行製作人，製作則會由《惡魔城》（Castlevania）的動畫劇集工作室 Powerhouse Animation 負責監督。目前未能確認《Masters of the Universe: Revelation》到底幾時可上架，以及會唔會同姐妹作 SHE-RA 有任何劇情或故事的聯系，不過可以肯定的是Netflix的動畫片單上將會多一套中年人的遠古回憶重啟《He-Man》。前輩們要多加留意，神心期待啦！