信相《Final Fantasy》迷都知《FF8》當年推出，主題曲係由我哋香港代表【王菲】所主唱嘅《Eyes on me》，作為人氣大作，加上香港歌手唱嘅主題曲，更加令我哋一眾香港Game 迷為之所動。《FF8》喺遊戲故事同遊戲性，亦無令《FF》迷失望，令《FF》系列踏上「唐朝」嘅盛世。所以早前最高人氣之作《FF7》宣佈Remake，《FF8》亦同時宣佈推出Remastered 版本，之前仲擔心緊會唔會純移植（好似之前出《FF9》咁），官方終於有新消息啦！

質素有一定嘅提升，大約去到PS2 《FFX》時嘅畫面質素啦！起碼唔會好似咁啦...

否則主角真係會咁...

夢中情人呀！太靚仔啦！

除咗畫質有一定提升，遊戲內嘅Menu 亦重新製作，所以啲字唔會化開，如果係咁，會唔會有多國語言版本呢？事關以前得日美兩文，如果有嘅話，相信更加值得購買，以前要睇小說式攻略先知個故事講乜，依家自己真係可以「嘆」晒成個故事啦！希望會有中文啦！拜托！

《FF》系列一個好重要嘅環節，就係召喚獸，《FF8》嘅玩法幾乎可以睇成召喚多一個角色幫手打咁，而且有一定量嘅育成成份，增強畫面化後都有唔錯嘅畫面效果。

唔係純移植，就加啲唔同嘅新功能入去，戰鬥強化等等，最有用相信係遊戲三倍速化，行地圖時間同等條BAR嘅時間可以慳返唔少，對於心急嘅玩家，哩個功能真係一大恩物。

Steam 版更加特別追加大量機能，追加啲類似DLC嘅項目，如：全部道具、召喚獸能力值MAX、全部卡片咁，等你可以無阻礙咁快速享受個故事！相信重溫咁玩嘅話，真係想要快啲打爆機多過慢慢去玩晒所有隱藏元素出嚟。

遊戲幾乎全主機平台制霸，總有一部機你屋企有可以玩到。

Final Fantasy VIII Remastered

平台：PS4、Switch、XBOX One、Steam
發行日期：2019年9月3號（Steam版：2019年9月4號）
售價：2,500円（連稅）
遊戲類別：RPG
發行模式：數碼下載版（暫無實體版）