如果你有咁上下年紀，「勇者雷登」，一定唔陌生。本身都巨型嘅佢，家陣連模型都要巨型過人，成隻PVC有成65cm咁高。而且仲保留相當嘅活動能力，作為鎮宅之神或者門神都絕對勝任。今時今日已經作為爸爸嘅你，童年回憶都要有㗎！

作為一隻咁巨型嘅PVC膠，要超可動應該就無乜好可能，但哩隻雷登就保留一定嘅可動性，膊頭、前臂以及腳掌。除咗神像一般嘅站立法，亦可以作出一定嘅pose 調節。

由於以前嘅設計，都無咁多花巧嘅設定以及複雜嘅色塊，正正方便工廠上色，相信上色方面嘅質素都唔差，要完美重現雷登，簡直係食生菜咁易。兩手嘅武器有齊，但可惜嘅係，箭同弓都只能處於收納狀態，唔可以張手以及替換。暫時只能及以大隻嘅氣勢做賣點嚕...

雖然腳底喺神像模式下會睇唔到，但腳底下嘅噴咀絕不馬虎。

實物真係好大隻㗎！成隻PVC，都咪話唔重，應該唔太適合把玩，安置好佢，當係屋企嘅擺設裝飾好了。

訂購嘅都會送限定品，透明亞加力【響 洸】角色座一大個。有成12CM 高，都真係好似一個獎座咁㗎！以成隻PVC嚟講，咁大隻賣到哩個價都唔係話唔值，但價目上真係向一啲中產人士埋手，買返去當裝飾品，個價錢又可以合理返。都係果句，睇下愛有幾多啦！

Jumbo Soft Vinyl Figure 勇者雷登

售價：42,000円（未連稅）
派貨日期：2019年12月預定
質材：PVC(主體)、Acrylic(角色座)
全高：65CM
產地：中國