籃球界至高無上嘅NBA總冠軍，相信打得NBA嘅發夢都一定想拎到，但每年只有一個，要想拎到都真係談何容易，就算你實力出眾，無人能敵都唔一定可以比你順利奪冠，好似Derrick Rose就係敗左係受傷之中。

現年30歲嘅Rose，今夏簽約活塞，扶助Blake Griffin及Andre Drummond。對於球迷黎講，活塞要想黎緊幾季中奪冠，相信機會不大。不過，對於Rose黎講佢嘅生涯一直只有一個目標，就係奪得總冠軍，所以Rose願意加盟活塞，應該都係一定程度上相信球隊係有能力奪冠的。

Rose接受訪問時表示：「當我比賽時...我真係好想贏得一次NBA總冠軍！」

Yeezy's on for the workout  @drose pic.twitter.com/gYwVCYWssk

— B/R Kicks (@brkicks) September 5, 2019

「我基本上獲得所有個人榮譽，而現在係時候去得到我真正想贏得的東西。」

雖然Rose近年都受傷患困擾，但如果無傷嘅佢仍然係一名非常穩定嘅球員，上季效力木狼上陣51場嘅佢，平均取得18分4.3助攻，季後賽場均亦都達到14.2分。所以，預計Rose將大大增強活塞控衛嘅得分能力，而佢將會與Reggie Jackson分擔上陣時間，暫未知Rose會否成功搶得正選位置。

對於黎緊一季嘅前景，Rose顯得較為樂觀，佢認為球隊喺東岸係有機會的，特別係球隊有兩名出色嘅大個子球員，球隊整體亦不錯，所以結果如何你永遠都唔會知道。

只要保持健康，Rose仍然可以為球隊帶來巨大嘅幫助，究竟呢位昔日最年輕嘅MVP，可唔可以帶領活塞創造奇蹟，實現自己嘅夢想呢？