今年美國網球公開賽，決賽由「泥地王」拿度與首次打入大滿貫決賽嘅23歲俄羅斯球手梅德韋傑夫，雙方激戰4小時50分鐘，最終仍然由拿度獲得最後勝利，新一代球手究竟幾時可以喺大滿貫決賽中擊落三隻怪物呢？

今屆美網，拿度繼續出色嘅發揮，殺入決賽前僅喺面對施歷嘅時候輸過一盤，其餘都係以直落三盤晉級。而另一邊嘅梅德韋傑夫則大多以3:1或3:0晉級，所以表現亦唔差得過拿度太多。

面對三屆美網冠軍拿度，梅德韋傑夫並未有怯場，反而一黎就打破拿度嘅發球局，比個下馬威對方。不過，經驗老到嘅拿度又點會比呢位年輕球員嚇倒，佢好快就還以顏色，接連打破梅德韋傑夫嘅發球局，最終贏得首盤。

@PKSubban1 | @lindseyvonn | #USOpen pic.twitter.com/qrtWxkDNCA

— US Open Tennis (@usopen) September 8, 2019

其後，拿度喺第二盤掌推主動權，好快就以6:3贏下呢一局，以總盤數2:0領先，奪冠似乎已經志在必得。不過，年輕嘅梅德韋傑夫並未有比拿度好過，佢喺第三及第四盤拿出自己全部本領，最終成功打破對方嘅發球局，連追兩盤，將比賽帶入決勝嘅第五盤。

@RafaelNadal | #USOpen pic.twitter.com/mH04jaVDfL

— US Open Tennis (@usopen) September 8, 2019

去到最後一盤，梅德韋傑夫本身有機會早早打破拿度發球局，但最終仍然被對方保住，然後拿度反而連續打破梅德韋傑夫嘅發球局，一口氣領先至5:2，雖然其後梅德韋傑夫咬住最後一口氣，但最終拿度仍然以6:4拿下最後一盤，總盤數以3:2擊敗梅德韋傑夫，生涯第4次奪得美網冠軍！而成功奪冠嘅拿度，獲獎嘅時候激動到喊，可想而知佢對勝利仍然係幾咁渴求。

今次除左係拿度第4次奪得美網冠軍之外，亦都係佢第19個大滿貫錦標，距離「瑞士天王」費達拿僅差一個大滿貫就可以追平對方，並排成為歷史第一。對於拿度黎講，其今年狀態相當不錯，除左今次美網之外，較早前亦已經奪得法網冠軍，與祖高域平分秋色，相反費達拿今年一個大滿貫都拎唔到，所以未來拿度要想追平紀錄絕對非常大的機會。

今年網球界四大滿貫已經全部花落誰家，要冠軍仍舊落係「三大神獸」當中，究竟一班新生代球員幾時先可以打破呢個局面，唔通真係要等佢地三人自行退休先可以改變情況？