本屆NBA新秀Zion Williamson一如外界預期成為選秀狀元，其恐佈嘅力量及騰空力已經成為唔少球迷茶餘飯後嘅話題，例如佢曾經喺比賽中踩爆鞋，又曾揸籃球揸到凹左，側面說明其力量實在大得驚人。

而日前已經加盟鵜鶘嘅Williamson，就隨同部份隊友跟球隊副總裁David Griffin去打哥爾夫球，算係開季前出黎輕鬆見下球迷及傳媒。

作為球迷當然已經知道Williamson嘅籃球天賦驚人，但係哥爾夫球呢？要知道勇士嘅頭號球星Stephen Curry就非常熱衷於哥爾夫球，球技亦都有番咁上下。

不過力量驚人嘅Williamson好快就出事啦，佢首次揮桿後，再睇下支桿竟然唔見左前面擊球嘅部份，原來Williamson竟然揮桿後整斷左支桿，呢個情況令其隊友亦感到難以置信。對此Williamson亦都立即回應：「我只是打球，只是打球咋！」

究竟Williamson嘅力量係咪真係恐佈成咁呢？黎緊新一季NBA大家真係要拭目以待啦！