承接近期小丑大熱，同佢天生一對的小丑女也成功上位，如果還記得2016年DC出品相當尷尬的一部作品《自殺特攻：超能暴隊》，全片唯一的驚喜係造就小丑女，近日，以此作為主色的全新女性反英雄作《猛禽暴隊：解瘋小丑女》終於千呼萬喚有預告睇啦，女主角Margot Robbie憑住小丑女人氣急升，今回再做埋監製，食正呢個瘋癲世代, 呢次失戀的小丑女內心傷痛難鳴，敢愛敢恨極端性格令佢注定成為魅力非凡的反派角色。如果你鐘意小丑，可能你都鐘意小丑女，話哂每個成功男士背後或者前面都有一個瘋狂女性。

首先要提提，近日非常火熱的劇情片小丑Joker，其實同小丑女電影無關系，呢套小丑女獨立電影源自電影《自殺特攻：超能暴隊》。上一次小丑女係自殺特攻電影中叫做見過下世面出過下風頭，一手用武士刀挖出魅女巫的心臟, 今次故事係自殺特攻拯救世界之後，話說蝙蝠俠意外地消失，葛咸城無人守護。與小丑分手以後小丑女同成班強大的女人包括女獵人（Huntress）、白鴿（Dove）、黑鷹女士（Lady Blackhawk）等聯手保護少女Cassandra Cain，她因偶然獲得了葛咸城犯罪首領黑面具的鑽石而捲入是非當中

小丑女今次由極度依附失戀到個人發展和一班女性同舟共濟，係葛咸城壞女孩大解放的「大台」領袖，如果你覺得自殺特攻真好「爛」，忘記左佢，研究一下新女性小丑女，推出的幾款造型海報都相當有型有格。