任天堂真好，全新體感遊戲體感遊戲RingFit Adventure搵到國民女友新垣結衣演出全新廣告助推，為大家示範點樣穿著“ Ringcon”和“ Legband”準備玩呢個遊戲，可惜第一波電視CM只得30秒，略嫌短暫，希望佢可以推出第二波或再拍多D新垣結衣打機玩RingFit Adventure的，有新垣結衣真係心痕痕想買來玩，呢個遊戲好健康，我上一次同家人玩家庭體感遊戲可能已經已經數到Wii，10月份諗諗心痕買game先得。

 「新垣結衣」TVCM 電視廣告「準備篇」

 有新篇

我都好想同結衣BB玩

任天堂官方今次搵到美女新垣結衣賣廣告，主力sell新遊戲作RingFit Adventure，作品係配合新週邊遊玩的全新體感遊戲，玩家只需要將 Joy-Con 放在 Ring-Con 與固定帶上，無需按任何按鈕，只需按指示進行全身動作就可以進行移動、攻擊敵人等，在玩遊戲同時達到運動健身的效果。

唔知大家對新垣結衣的興趣大D定對遊戲RingFit Adventure有興趣多D，個重點是前者你只能望下開心下，後者你可以據有仲有得玩有得健身，如果你有興趣比多段片你研究下玩法又點話。

《RingFit Adventure》有繁體中文版，唔怕睇唔明點玩，遊戲連週邊預定  10 月 18 日發售，支持繁體中文，售價 7,980 日圓 (未連稅) 約 $580 港幣。