{ SKIP }
文:MenClub 波特先生  圖:互聯網
POSTED ON 21 Oct 2019

前溜馬、湖人球員Lance Stephenson今夏因為得唔到一份NBA合同,因此最終決定到中國CBA繼續球員生涯。雖然Stephenson唔能夠繼續留喺世界最佳嘅籃球舞台,但如今佢喺CBA睇落就好似非常滿意及開心。

現年29歲嘅Stephenson,作為溜馬時期嘅主力之一,表現全面。而因為一次喺LeBron James耳仔邊吹氣,再加上佢喺場上一些沒頭沒腦嘅舉動,令佢獲得更多球迷關注。

不過,始終Stephenson都係問題多多,近年表現亦唔夠穩定,所以最終今季被NBA放棄。而加盟CBA遼寧隊後,Stephenson獲得嘅待遇就如NBA嘅超級巨星一樣,好似佢一落機就有球迷接機,球迷亦都非常鍾愛佢。

而Stephenson始終係NBA級別嘅球員,所以佢加盟CBA後參戰過嘅4場比賽獲得前所未有嘅開火權,佢呢4場場均可以取得32分7.8籃板5助攻1抄截,完全就係MVP級別嘅存在。

在 Instagram 查看這則帖子

Y’all don’t understand how much I enjoy playing this game

Lance Stephenson(@stephensonlance)分享的帖子 於 發佈

唔知係咪因為好似突然去到一個籃球天國一樣,Stephenson完全投入到中國文化當中,佢先喺社交平台上表示「李小龍誕生的地方,中國」,又配上自己耍太極嘅相片。

在 Instagram 查看這則帖子

BRUCE BORN

Lance Stephenson(@stephensonlance)分享的帖子 於 發佈

另外,Stephenson又喺一次遼寧與四川嘅熱身賽中,敢膽飲大會提供嘅「酒」,要知道其隊友郭艾倫都只係拎住無飲到,更搞笑嘅係Stephenson飲完之後仲扮醉,果然係「舞王」!

估唔到Stephenson咁快就成功融入中國文化,真係寄望佢可以喺呢個地方繼續取得成功。

如果依家你有套戲想睇,你嘅第一反應可能唔係睇下戲院仲有無上、DVD出咗未,而係上網串流平台有無提供。反正依家有咁多個平台,總有一個會解決你問題吧?對於唔少人黎講,呢個改變可能屬於「方便」嘅範疇,不過HBO M ...
hobby
【影視】HBO總裁指太多串流平台混淆觀眾 然後宣佈未來加價及打擊帳戶共享
12 Sep 2025
Glen Powell表示,Chris Pratt在《Guardians of the Galaxy(銀河守護隊)》嘅演出,改善咗荷里活男主角必須嚴肅或陰沉嘅形象,令業界開始接受男主角帶點俏皮同輕浮嘅態度,間接幫佢開闢咗成為電影明星嘅道路。 ...
hobby
【影視】Glen Powell大讚Chris Pratt「星爵」改變了荷里活男主角形像:不再陰沉嚴肅,可以輕浮俏皮
11 Sep 2025