{ SKIP }
文:MenClub 玄火  
POSTED ON 21 Oct 2019
聽講,C朗每日食6碗飯,但細個成日俾阿媽話「食塞米、大飯桶」,大個就唔敢食咁多;又聽講,C朗每日keep住飲兩公升清水,但細個阿媽成日話「有飯又唔食,你飲水飽啦!」呢個時候,我終於明白點解人哋踢皇馬,我連南華都踢唔到。

歐國盃外圍賽B組,葡萄牙作客以1:2不敵烏克蘭,大紅人C朗解鎖職業生涯700球成就,但建功後未有慶祝,只是淡然指向上蒼,然後抱住皮球急步回到中圈,準備重新開波。烏克蘭提早晉級決賽周,C朗不欲慶祝,全因內心仍有一團火,年紀再大,血仍未冷。
超級巨星C朗在國際賽取得第95球,並成為現役唯一達到700球里程碑的球員,成就斐然。34歲人,狀態不見大走下坡,全因簡單而有規律的生活,意大利《Novella 2000》雜誌早前就揭開了真相。世界上沒有不老藥,但可能有一條不老方程式,只恐怕不是人人願意或有恆心去做。

首先,C朗不是清教徒,但私底下同清教徒無異,就算今日同未婚妻和4條化骨龍一齊生活,難免要到兒童喜愛的餐廳用膳,但每日堅持主菜必食雞肉沙律,雞肉不加任何調味料。除此之外,他嚴格到一個點,規定每日狂吞6碗白飯(估計一餐兩碗或6餐一碗),並至少飲到2公升清水,一絲不苟。自問,食量和飲水量都不是凡人境界,更何況要每日如一?
除此之外,C朗規定每日要睡夠7個半小時或以上,每星期要少5日在晨操後,午睡個半小時,任何節目都要「讓路」。而且除了祖雲達斯的常規操練,他亦制定個人化訓練,包括游泳、Pilates和一般帶氧運動。富豪家中的健身室通常人影都唔多隻,但C朗是健身狂人,社交網站也經常分享健身日常。

記得一段舊片,C朗在皇馬做凌空掌上壓,抽身時雙手手掌,再雙手落地,自我提升動作難度,但卻比其他做普通掌上壓的隊友更快完成。最後一提,他已否認每日做3000次仰臥起坐的傳聞,別再以訛傳訛。34歲的超級英雄為何擁有24歲的身軀,不是吃了神藥,而是持之以恆的決心和毅力。換言之,你和我都可能做得到。
有錢就係可以任性嘥錢買呢啲野...
hobby
【全球唯一】Caviar黃金版Apple AirPods Pro
20 Nov 2019
出街開波啦!
hobby
【2020登場】《足球小將》AR新手機Game《TSUBASA +》
20 Nov 2019