{ SKIP }
文:MenClub 摯樂  圖:互聯網
POSTED ON 04 Nov 2019
【抗爭劇作】《浪嘯無垠》德國青年人追求公義必先起來反抗

靜雞雞話你知, 11月1日Netflix偷偷地上咗一套年輕人抗爭反抗嘅德國電視劇集叫做《浪嘯無垠》(We Are The Wave,台譯《狂潮》),故事以一班年輕人組成嘅浪潮組織為主體, 佢哋利用網絡嘅力量向不公義的勢力製造惡搞,造成文宣向強權挑戰, 目的就係要德國人甚至全世界起來反抗, 劇集絕對具有革命性嘅意味。由最初和平抗爭到最後反省抗爭嘅底線去到邊度,甚至擁抱革命無底線反抗作戰, 重點係發揮智慧不要作出無意義的犧牲。 第一季只有六集一晚就可以煲曬, 當中可以睇到年輕人的覺醒,對比中年人嘅平庸頹廢。 劇中嘅中年人受盡剝削凌辱但只能夠自卑自憐同佢哋嘅仔女講:「你還不明白嗎?他們已贏了!」反而廢老唔明白年輕一代反抗的意識。分享幾句劇中嘅金句「天真是我們唯一可以擊倒那些仆街的武器。」;「打破玻璃並不能改變任何事?? 那就要看那片玻璃是屬於誰的!

對不起,由於Netflix可能認為這套劇不太適合係亞洲地區推廣,所以完全零宣傳,也沒有公開佢的預告,要睇就要自己去Netflix搵《浪嘯無垠》 或者We Are The Wave,第一季已經偷偷暗中上左架!



《We Are The Wave (浪嘯無垠)》改編自 1981 年德國小說《The Wave》,2008 年被改編成一套德國電影《DIE WELLE (惡魔教室) 》。呢套電影近期被好多人用來套入香港的抗爭當中, 並以此電影去訴說運動已經失控最終只有失敗。不過,大多數人都忽略左一個重點,當年德國嘅社會實驗只係定立規則並無實際嘅理念內容, 即係話缺乏崇高嘅理想沒有目的只是無矢放的地運作,無理想空洞的群眾運動當然會失敗 ,不過今次德國最新嘅改編劇集就將好多現有嘅社會不公義同埋爭取公義政治理念加埋一齊例如反種族歧視和環保等等的議題,當群眾嘅抗爭加入實際嘅政治訴求,同當年的惡魔教室絕對不能同日而語。 如果你仲停留喺80年代惡魔教室嘅思維當中, 好明顯你已經跟唔到時代嘅節奏。 


《浪嘯無垠》由幾個高中生發動, 成立狂潮組織然後通過網絡將佢哋嘅理念廣傳,慢慢更加將理念變成違法抗爭的極端行為,開始以衝擊法律(注意:衝擊法律同衝擊法治係唔一樣!)嘅方式對不公義嘅議題提出控訴,最後當然換來當權者嘅反擊, 第一季就係喺青春熱血嘅理念,配上當權者嘅反擊當中落幕。


呢套德國劇集已經喺Netflix上架, 有時間推薦大家去了解一下醒覺嘅年輕人,一群不願再住喺籠中嘅鳥。 你有冇醒覺還是依然在投訴飼料越來越差。



2020年全部統一!
hobby
【落實統一】Reebok 2020年全面換上Vector Logo
11 Nov 2019
【韓式災難】星光熠熠最後無事嘅特大天災《白頭山:火山浩劫》 人很渺小,尤其面對大自然, 然而人很強大尤其懷抱強大信念,當大自然要 懲罰人類,面臨嘅可能就係真正嘅攬炒。 不過自有歷史以來人類嘅災難從來都 ...
hobby
【韓式災難】星光熠熠最後無事嘅特大天災《白頭山:火山浩劫》 ... ... ...
11 Nov 2019