{ SKIP }
文:MenClub 摯樂  圖:互聯網
POSTED ON 05 Nov 2019

【圍城追捕】《黑豹》當白警封島‧圍捕緊湊警匪大作《曼克頓封暴》

警匪片電影係香港仲有無市場?如果香港拍的警匪片就一定短期內無人問律,但如果係美國《復仇者聯盟4》導演羅素兄弟再加上《黑豹》型男查域保斯曼做黑人白警追查的午夜劫案呢?300公斤可卡因被劫8名警察被殺,引發《黑豹》白警要出美國「緊急法」緊急封鎖全曼克頓市,帶全隊「差佬」封哂出入曼克頓21座大橋、河道、隧道、地鐵、火車…全面圍捕殺人劫犯,劇情同行動都相當大規模,夜半決戰,天光之前必定要反轉整個曼克頓緝兇歸案。警字兩個口,通常呢D劇情一定案中有案,絕對唔會咁簡單,一場時間的競賽,太陽出來前《黑豹》白警又要拉殺警犯又要查明背後操縱的『大佬』,實情峰迴路轉劇力萬鈞,聽落已經相當緊湊,無錯封島‧圍捕‧黑白‧難分正是呢套全新懸疑黑人警探力作《曼克頓封暴》。

想像一下如果香港圍封所有大橋、河道、隧道、地鐵、火車會發生咩野事?幾個月前可能你會想像唔到,今日,唔奇怪囉,不過一定唔會係捉賊囉。《曼克頓封暴》難得由羅素兄弟出品,除左Marvel英雄大作,拍攝張刺激的動作警匪片,一樣掂當。有理想有抱負儆惡懲出色嘅警察 原來美國都仲有, 起碼電影嘅嘢你拍出嚟我就信, 就好似外國人真係以為成龍好好打一樣。

曼克頓係邊度?係美國東部哈德遜河下游嘅一個島,亦係紐約市嘅市中心。呢度係全紐約、全美國、甚至全世界最繁華嘅地方,同香港一樣亦都係樓價最昂貴生活最逼人嘅黃金地段。因此, 封鎖整個曼哈頓絕對係國際級大事件。

導演 :拜仁寇克

演員 :查域保斯曼, J.K.西蒙斯, 施安娜米勒, 泰勒傑舒, 史提芬占士

片長 :1小時40分

級別 :IIB 級

語言 :英語 (中文字幕)

上映 :21.11.2019 (公映)

 

 

故事簡介

《復仇者聯盟4》導演羅素兄弟與《黑豹》查域保斯曼再度聯手之作!一宗午夜劫案,牽涉300公斤可卡因、8名警察被殺。警司基利(J.K.西蒙斯 飾)急召鐵腕神探安哲(查域保斯曼 飾)調查,並派出緝毒組女探員法琦(施安娜米勒 飾)協助。為了找出2名疑兇雷文及米高,安哲要求在天亮前緊急封鎖曼克頓,截斷所有交通樞紐,誓要在封鎖令的數小時內,反轉整個曼克頓緝兇歸案。但在追查過程中,兩人發現有人想藉警力殺疑兇滅口,令安哲懷疑械劫毒品與殺警案背後,其實另有黑幕!他們要與時間競賽,在曼克頓的交通重啟之前,生擒疑兇,才可把這個謎團擊破。



 《曼克頓封暴》將於11月21日上映,美國的警匪片我撐,揪出黑警真正止暴制亂,話畀全世界知我哋唔係唔撐警察只係唔撐不公義打橫行嘅黑警察,我講緊電影中的美國紐約警察啊。



唔知真人版會點樣呈現動作特效、而主角下巴又會唔會愈嚟愈尖呢? blockquote class="twitter-tweet"p lang="en" dir="ltr"Solo Leveling, the global phenomenon, is coming to Netflix as a live-action serie ...
hobby
【影視】Netflix宣布推出《我獨自升級》真人版劇集 由韓星邊佑錫擔任主角
11 Jul 2025
如果大家有印象,Switch 2剛開賣嗰陣,我哋曾經報導過美國一間GameStop分店喺交付預購主機時,因為將收據直接釘喺包裝盒正面,結果粒釘穿咗紙盒,導致螢幕受損出現兩個小洞,引起機迷熱烈討論。最近,GameStop就嘗試 ...
hobby
【出色公關?】GameStop拍賣「破洞Switch 2」及涉事釘書機 所得收益將捐贈慈善機構
11 Jul 2025