如果你屋企有一對比較好嘅耳機，你又想行街搭車嘅時候能夠聽到比較好嘅音質，可以試試買個Zorloo Ztella微型轉接解碼，只需要以 USB-C 連接智能手機，另一端就會以外置 3.5mm 插頭輸出聲音，取代手機嘅喇叭出聲，簡單直接以智能手機成為播放的源頭，以Zorloo Ztella作出Hi-res的響音樂播放。買個支援 MQA播放的最高型號連運費只是港幣480，係聽歌要好聲又簡單的最強大方案。

Zorloo Ztella如今係眾籌網站 Kickstarter集資出售，係一個可以播放現今幾乎任何規格的音樂檔案便攜式解碼器，並以USB-C 轉 3.5mm式輸出，可以接駁除apple手機以外的多數智能手機同USB-C輸出的手提電腦。無論一般44.1、DSD音樂，24-bit 以至近期流行的MQA（Master Quality Authenticated）串流播放都可以支援得到，簡單易用，一插即聽。如果閣下係使用蘋果手機的話就可能要另外買一個蘋果lighting頭轉接線。

Zorloo Ztella內部使用 ESS Sabre 9281CPRO 晶片，最高型號支援播放 MQA 檔案。使用Zorloo Ztella連接解碼再播放出來的聲音，比就咁係手機播放好得多，聲音純淨有力， 細緻通清， 配合一個不十分難推嘅好耳機， 輕易就可以超越過去一大串器材嘅手提播放年代。

Zorloo Ztella會以機身的唔同顏色燈去顯示播放解碼的規格，例如普通音樂的藍色，Hi-Res音樂的紅色同獨有MQA串流播放的紫色燈仔。以連運費$480元購入一個簡單好聲的轉換解碼個人覺得十分抵玩，唯一的難阻嚟自 可能好多人已經習慣使用無線藍芽耳機唔再擁有有線耳機。 世事在變尤其影音世界一日千里， 過去攞你命3000嘅年代已不復見， 用慣咗無線藍芽耳機可能連有條線連住都唔願意。