人很渺小，尤其面對大自然, 然而人很強大尤其懷抱強大信念，當大自然要 懲罰人類，面臨嘅可能就係真正嘅攬炒。 不過自有歷史以來人類嘅災難從來都係嚟自人禍而非單純天災。 2020年將會上映韓國據稱最震撼災難大作未入場都知道最後「無事」的《白頭山：火山浩劫》，入場嘅原因自然就係卡士強勁，刺激緊湊的內容，個名已經知道勁，《與神同行》製作團隊以260億韓圜天價打造，由《與神同行》系列導演金容華監製，率領最強演員陣容李炳憲、河正宇、馬東石、秀智以及田慧振聯手主演。 火山啊火山，如果你真係要懲罰作惡多端嘅人類， 冤有頭債有主邊個對環境危害最大你就爆發係佢嗰度啦 。

《白頭山：火山浩劫》由闖出荷里活的李炳憲聯同「最年輕千萬演員」河正宇以及韓國巨石馬東石領銜主演，李炳憲飾演北韓大使館秘書長，握有可以阻止白頭山再度爆發的情報，秘密與南韓交接，而河正宇則飾演進行機密任務的南韓EOD（爆裂物處理）隊員，二人為了解決末日危機，將放棄身份上的矛盾，攜手展開拯救任務！而馬東石收埋大隻拳頭飾演文質彬彬的地質學教授，他已經研究白頭山多時，只有他才可以找出阻止白頭山全面爆發的理論，所以話要解決天災係需要有人早早預備做足研究。再加上飾演河正宇的妻子的「國民初戀」裴秀智，一同對抗南北韓所面臨的末日火山爆發危機。我相信呢啲粒粒巨星的陣容， 對於熱愛韓風嘅觀眾嚟講係非常之吸引。

《與神同行》奠定咗韓國電影係亞洲獨特地位,當然相信真正將韓國電影推上全世界嘅會係嚟緊奧斯卡全城關注奉俊昊執導的《上流寄生族》，有傳《上流寄生族》將會衝出國際電影獎項， 難道可以挑戰成為奧斯卡最佳電影入圍作？

如果唔係火山爆發，白頭山原本好靚的，有佳人騎馬雪山上，絕對係美景呀！

電影將會於於2019年聖誕節起推出優先場，2020年1月1日震撼上映。