2019年係日漫《海賊王》(One Piece)20週年，經過漫長嘅20年後單行本已經出到第94卷，而路飛一行人目前黎到和之國，將有機會同時面對兩位四皇。咁究竟路飛嘅故事幾時會完結呢？作者尾田榮一郎表示故事將會於5年內完結。

近日作者尾田接受訪問透露：「海賊王將於5年內迎來大結局，而結局將會係一個盛大嘅宴會，但會係讀者們估唔到比想像中更有趣嘅結局。」

雖然尾田認為故事會在5年內完結，但其編輯卻認為尾田不太可能真的在5年內能夠完結，然而佢地都選擇相信，並會盡最大嘅能力配合尾田。

相信一眾《海賊王》嘅Fans非常期待故事嘅結局，但同時必定非常不捨，要知道《海賊王》由1999年7月19日開始連載，如今已經出到第94卷，單行本總銷量達到4.6億，可以話係現今最受歡迎嘅日本漫畫。