{ SKIP }
文:MenClub 摯樂  圖:互聯網
POSTED ON 21 Nov 2019
【續集非必然】《小丑》電影續集勢在必行?祖昆·馮力士未必拍

全球票房超過10億美元的《小丑》正常人都會認為電影將會有第二集,近日美國影視媒體「The Hollywood Reporter」報導:導演Todd Phillips已經同華納公司主席Toby Emmerich秘會籌備開展《小丑》續集的初期準備。最大的關鍵係兩點,一男主角祖昆·馮力士仲做唔做,二《小丑》續集重點會係咩野?暫時似乎是先要解決男主角問題,你認為你會唔會十分期待有第二集的《小丑》?唔講真係唔知,原來唔係肯定有續集,可能片商同導演Todd Phillips會開發其他DC角色的深層起源故事!反正DC類似的獨立電影一定繼續有,不過未必係小丑!



海內外的觀眾相信都一致認同,票房咁收得又好睇的電影,點會無第二集,問題只是幾時拍同點樣拍,《小丑》續集如果無左男主角祖昆·馮力士,換人接續,肯定失去原貌,吸引力大減,所以,搵祖昆·馮力士繼續接拍實在是華納當務之急,但呢個世界有些事只要是錢可以解決的就唔會係問題。祖昆·馮力士曾經係《小丑》公映前、未知票房情況下,接受「洛杉磯時報」訪問表示:「我不會因為電影賣座而拍續集,那太荒謬可笑了。」



 


荷里活慣例是有發展續集潛力的電影,導演和演員都會在第1集拍前就簽3集的合約,例如蜘蛛俠男主角湯賀蘭,避免跳槽。不過《小丑》顯然就冇簽到相關協議 。電影《小丑》故事結局小丑並無死到,觀眾可以清楚睇到電影留在伏筆,加上口碑賣座雙贏,拍續集勢在必行,如今應是全球集氣,加上銀彈在內藝術擺前,引導祖昆·馮力士講:「yes I do」。祖昆日前也在受訪時釋出善意,表示願意先看劇本,再作決定。導演Todd Phillips識做,要努力寫出好故事,講時講,「小丑」同時為導演Todd Phillips帶來巨大的收益,據傳他可以獲得約莫1億美金的分紅。咁好搵可以肯定Todd Phillips一定會繼續發掘DC的人物角色,開拍下一套的DC獨立電影,最理想又簡單的一定係小丑2。

 




據報,連美國狂人總統特朗普都成為電影《小丑》的影迷,佢為了獎賞家人、朋友以及幕僚們,特登係白宮內搞左場特別場一齊觀看電影「小丑」,而特朗普非常喜歡「小丑」,看完電影後頻頻稱讚。好了,無聊講完,講返正題,第二集好可能是真正小丑大壞蛋出山「成魔」之路,咁到底依然是DC獨立故事還是可以和蝙蝠俠電影世界有更多互動?反正決定權不在我們討論之列。好多人想知的只是實際拍攝同上映時間。



台灣內政部8月4日係臉書(Facebook)上貼出一張圖,配文以「小夫,我可以進電梯了嗎?」作台詞,明眼人一睇就知道...................
hobby
【行得太前】台灣內政部疑引用哆啦A夢惡搞抗疫宣傳「小夫,我可以進電梯了嗎?」 ...
05 Aug 2020
大家睇到早幾日封「中指圖」都知日本橫濱嘅1:1高達即將落成,可惜嘅係原定10月開幕嘅「GUNDAM FACTORY YOKOHAMA」因疫情而延期開放。但又唔使太失望,因為Bandai宣佈會將兩款原定係場內特有嘅高達模型,放上Premium ...
hobby
【高達】橫濱1:1高達模型版 Premium Bandai預訂
04 Aug 2020