2017年的#metoo運動好大程度上改變左世界，正如近半年的社會運動完全改變香港一樣，從前和現在不再一樣，權力和慾望帶來的醜聞係唔同的時空都確實存在，電影《爆炸性醜聞》正是用一個強大金像獎級陣容重現震驚美國的新聞台性醜聞事件。運動之前，如果有人話女主播被老闆性騷擾甚至性侵，可能只係換來一句“好奇咩，全世界都係咁上位”，又或者選擇完全唔相信，“無可能，警署周圍都係閉路電視，你當我三歲呀”，今時今日相信好多人認同我哋要調查到底，因為我哋依然相信呢個世界必有公義，面對暴力同性侵有人選擇不再啞忍，企出來作雞蛋撼高牆，直到所有暴力性侵得到平反，成立獨立調查委員會，調查所有暴力和性罪行是改變不公義最實際的檢討。12月19日入戲院睇一場好戲一個為女性發聲劇力萬鈞嘅佳作。

《爆炸性醜聞》擁有金像級演員陣容，故事真實改編自轟動一時的美國霍士新聞電視台性醜聞，強勢衝擊各大電影獎項！兩位金像影后同場較技查理絲花朗（Charlize Theron）、妮歌潔曼（Nicole Kidman）完美重現兩大女主播Megyn Kelly及Gretchen Carlson的風範， 當然我哋香港人對於原角色唔算太認識， 睇唔到負責化妝嘅團隊班底係幾咁出色，將查理絲花朗完全改頭換面變成同原角色一模一樣嘅神級化妝技巧。除咗兩大實力級女演員，仲有年輕貌美早已獲得金像獎提名「小丑女」瑪歌羅比（Margot Robbie）演技再次獲得認可，已憑藉呢部電影獲得競逐金球獎「最佳女配角」，你只睇呢部戲完全無法想像佢就係「小丑女」，這就是演技。

有些電影就係需要將幕後班底曬冷，因為真係好強大，除咗三大女星，仲有《荷里活黑名單》艾美獎最佳導演積路治（Jay Roach）、《沽注一擲》金像最佳編劇查爾斯蘭道夫（Charles Randolph）共同激發編導火花，呢套相當女性主義嘅電影其實係有男主角金像提名男星尊力高（John Lithgow）有一個強大嘅班底純演技老戲骨，引爆龐大傳媒王國的暗色內幕。唔怕話埋你知電影中最常出現男主角竟然係真人Donald Trump！因為霍士新聞電視台喺美國係特朗普最友好嘅特朗普認可新聞台，深得特朗普支持者歡迎，至於細節你就要入場睇啦。

美國人稱「傳媒教父」的艾爾斯（Roger Ailes）有份創辦霍士新聞台，霍士新聞台係第一條成功將新聞生活化24小時廣播專業新聞頻道，Roger Ailes正是呢條極受歡迎的24小時新聞頻道嘅主席及行政總裁。不過喺佢輝煌地位背後，竟然係電視台內一連串性侵事件的罪魁禍首。面對高層威逼利誘下的「入室陪慾」，有人乘機搏上位，有人選擇啞忍，但仍有少數人願作雞蛋撼高牆：由一眾不甘受辱的女主播、幕後員工爆出驚人的性騷擾內幕，希望一石激起千重浪。到底她們最終能否以一己之力，成功砌低權傾政商界的傳媒大亨，還女性一份寶貴的尊嚴？

這部電影的節奏明快，三位女主角演技出色，故事雖然簡單單一，但中間嘅舖排同轉接做得唔錯，一氣呵成，係近年女權電影中最出色嘅作品之一。

《爆炸性醜聞》 

上映日期：2019年12月19日

主演：查理絲花朗、妮歌潔曼、瑪歌羅比、尊力高

導演：積路治

語言：英語（中文字幕）

片種：劇情│傳記