作為NBA最年輕嘅MVP，Derrick Rose因為兩次大傷而差點生涯報銷，幸好佢無放棄籃球，並成功從傷患中走出來，如今效力活塞再一次最大程度展現自己嘅實力，令唔少球迷倍感安慰。而提到Rose自己如何能夠走出傷患，一粒綠色特製籃球可以話係功不可沒，佢令Rose成為一名更出色嘅外圍射手。

細心嘅球迷可能會發覺，自從Rose大傷回來之後，就一直有一粒綠色嘅特製籃球跟身，原來呢粒綠色籃球重量達到4.5磅，Rose每次比賽前熱身都會用呢粒籃球。作為對比，一粒大家平常打嘅籃球重量其實只有600-650克，亦即係話Rose嘅特製籃球足足比平常籃球重7倍有多。

憑住呢粒特製籃球，Rose上季效力木狼時場均可以取得18分4.3助攻，三分球命中率達到生涯最高嘅37%，投射命中率亦達到48.2%。而黎到今季，Rose投射命中率達到生涯第二高嘅48.8%，三分球命中率亦有32.6％，能夠有咁大幅度嘅改進，該粒綠色特製籃球絕對係功臣之一。

Rose表示：「如果我無呢個特製籃球，我現在應該已經不在NBA了。這個波對我來說獨一無二，佢可以令我嘅投籃保持穩定，同時增強我的手臂肌肉及射姿。而呢個波如今已經停產了。」

不過值得一提嘅係，呢個波實際上係Rose喺公牛隊時偷走的，所以已經唔會再搵得番，而Rose絕對會非常形惜呢個波，甚至就好似對《劫後餘生》嘅Wilson一樣。