唔知大家會唔會都經常喺網上見到一啲非常特別，又或者估佢唔到嘅產品設計，而以下呢件產品可以話其實幾實用，但用落又幾搞笑。

章魚燒可能大家都食過，我諗都係見舖頭一次過整好多粒，但日本一間叫做「6秒商店」嘅網上商店就推出一款USB一粒章魚燒機，顧名思義就係一次只可以整一粒章魚燒嘅機器。

呢款一粒章魚燒機只有整一粒章魚燒嘅位置，而佢係可以插落電腦USB頭進行發熱，你要做嘅就係準備蛋漿及章魚粒，然後當機器足夠熱之後你就可以落材料完成一粒章魚燒，到時你就算喺Office都可以隨時整到章魚燒黎食啦！

不過諗深一層，你首先要準備好蛋漿，然後逐粒整黎食，你都咪話唔麻煩，同時準備呢啲材料好似喺Office唔太可行，但如果買黎送比朋友都不失為一個好選擇。