{ SKIP }
文:MenClub 波特先生  圖:互聯網
POSTED ON 03 Jan 2020

作為高達40週年「UC NexT 0100」計劃嘅其中一個項目,本來只係《馬沙之反擊》續集小說嘅《閃光之凱薩衛》終於有機會動畫化,並將於今年7月正式走上大銀幕。

作為由富野由悠季親自監督製作嘅《馬沙之反擊》正式續集,《閃光之凱薩衛》主角係布拉度艦長嘅兒子凱薩衛。

故事講述馬沙發動攻擊地球嘅計劃被阿寶阻止後,新自護與聯邦軍嘅戰火稍為緩和,而一直希望統一地球圈嘅聯邦軍,內部卻持續著官僚主義及特權主義,甚至用武力打壓在地球居住嘅普通市民,以維持其特權。

而喺咁邪惡嘅政府控制下,一個反政府組織便秘密成立,專門針對聯邦政府高官進行暗殺,其後布拉度艦長嘅兒子凱薩衛亦都加入該反政府組織,並且成為組織嘅背後領袖。

作為主角,凱薩衛駕駛嘅係ν高達嘅正統後繼機ξ高達,機體性能非常出色,其主要武器為精神感應型導彈,與v高達嘅浮游飛翔炮特性接近。不過即使係咁,根據原作小說凱薩衛等人嘅叛亂係以失敗告終,但卻成功帶起一眾市民對聯邦政府嘅不信任,從而繼續向聯邦政府作出反抗。

【經濟下行】英國音響品牌Bowers&Wilkin CEO離職公司將面臨重組 世界正經歷大變,各行各業都受到環球經濟不明朗影響,英國傳統音響行業顯赫有名的Bowers&Wilkins近日就發生高層大地震,兩名公司高層離職,公 ...
hobby
【經濟下行】英國音響品牌Bowers&Wilkin CEO離職公司將面臨重組 ...
25 Feb 2020
上次條片又紅又暗睇唔清?「好彩」嘅係最新又有流出相同片啦,仲係光天化日之下,睇哂新蝙蝠裝同蝙蝠電單車嘅全相添!
hobby
新片流出 《Batman》盔甲、電單車露全相
24 Feb 2020