美國串流影視平台 Disney+ 2019年11月已經係美國開台，打頭陣的《星球大戰》系列作《曼達洛人》(The Mandalorian)大成功賺口碑以及收視。不過劇集上星期剛剛完結第一季，高潮過去Disney+係美國馬上面臨一輪「退訂潮」拜拜你條尾！我地作為香港地區觀眾其實只是關人蛋治食花生，迪士尼眼見網絡退訂潮，大驚之下馬上係新年發佈2020年 Disney+作品預告，仲提早左皇牌Marvel劇《溫黛與幻視》(WandaVision)上映時間，但亞太地區會唔會有機會提早開台呢？亞太要等到2021年實在太遙遠，睇住美國人紛紛退訂你唔開台我地只能笑住食花生，好想睇但2020年精采的預告關香港人咩事？

《曼達洛人》(The Mandalorian)其實真心非常成功，懷舊西部風格，神秘主角再加Baby Yoda，唔知大家有無用你的方法去睇，迪士尼已預告第二季將於 2020 年秋季回歸，好快就成為迪士尼皇牌劇作。外國人話這是其唯一關注的劇作，所以好多人暫停比月費，網上湧現退訂連同(The Mandalorian)經典台詞：「This is the way」。可惜我地香港未搵到 our way。

唔好理人退唔退，迪士尼就推出左全新2020年精采預告，公開今年即將上架的影視作品集清單。可見預告中2020年Disney+上架多套迪士尼人氣電影包括真人版《獅子王》(The Lion King)、《反斗奇兵 4》(Toy Story 4)、《阿拉丁》(Aladdin)等等， 仲有Marvel、星戰、經典劇作登場，有最受注目Marvel兩部電視劇大作(The Falcon and the Winter Soldier) 以及(WandaVision)都會係今年內亮相。星球大戰的粉絲則有動畫作《星球大戰：複製人之戰》(Star Wars: The Clone Wars) 最終季以及人氣皇牌《曼達洛人》第二季。

當然除左上面這兩大皇牌，仲有迪士尼版權的經典劇作系列Lizzie McGuire 的全新續集，迪士尼電視電影系列《歌舞青春》(High School Musical) 延伸出的劇作《歌舞青春舞台劇：劇集版》(High School Musical: The Musical: The Series) 也即將推出第二季 ; 仲有外國人氣青蛙布偶系列(The Muppet Show) 也將會推出全新作《Muppets Now》。唔止劇集，仲好像Netflix一樣會推出多部原創電影作品，《Stargirl》《Timmy Failure: Mistakes Were Made》等等以及國家地理頻道出色的紀錄片。

咁多野睇我再一次報悲，亞太地區，據 Disney+ 官方消息，其推進日程暫定 2020 年至 2021 年之間。即係嘥心機 ，關我腿蛋治。唔知會唔會有新驚喜提早係亞太開台呢？