{ SKIP }
文:MenClub 波特先生  圖:互聯網
POSTED ON 03 Jan 2020

作為NBA歷史最年輕嘅MVP,Derrick Rose喺生涯初期成功展現自己恐佈嘅天賦,只可惜受傷摧毀左佢,令佢嘅成就早早就被限制了。不過,與唔少球星一樣,Rose有自己嘅兒子 - 7歲嘅PJ Rose,但係呢位父親又係咪真係將寄望放喺兒子身上呢?

唔經唔覺Rose嘅兒子已經7歲,咁樣唔少人就會問佢嘅籃球天賦點呢?Rose會唔會將佢培養成自己嘅接班人呢?對此,Rose直言自己唔會強迫兒子打籃球,但兒子如今卻對呢項運動展現興趣!

Rose咁樣講:「我並唔想兒子打籃球,但佢而家已經想嘗試。如果佢真係想打籃球,我都會放手比佢打的。不過作為一個父親,如果我見到佢嘅天賦及唔上我,咁我就會讓佢將注意力放喺其他地方上。我會成為咁樣嘅父親,唔會讓佢堅持無可能實現嘅夢想的。」

雖然Rose好似講到唔想個仔成為同佢一樣嘅NBA球員,但實際上兒子卻有一切資源可以擁有成為NBA球員嘅終極目標。而更重要嘅係,PJ Rose能夠從父親身上學識咩叫堅持及謙遜,要知道Derrick Rose生涯多次出現嚴重受傷,但佢仍然無放棄籃球員嘅身份,並成功轉型繼續征戰。

作為球迷我地唔能夠見到Rose最大化兌現自己嘅天賦,但係我地仍然可以寄望於其兒子PJ Rose,希望佢可以繼承Rose嘅天賦,並喺未來展現Rose唔能夠發揮出黎嘅所有實力!

唯快不破!
sports
【超速對決】世錦賽「火箭」vs 泰國「快槍手」輕鬆領先8:1
03 Aug 2020
對於唔少人黎講心入面有好多野想食,但奈何現實有唔少限制,例如你好容易一食就肥、身體有問題唔可以亂食野,又或者啲餐廳無得堂食。而對於利物浦核心沙拿黎講,食野係一啲問題都無,佢想食乜都得。 Cre ...
sports
【同人唔同命】沙拿:我無脂肪想食咩都得
31 Jul 2020