出自《華納兄弟》嘅著名卡通人物Tom & Jerry，出名你追我逐，互相用計仔對付對方，令觀眾睇到笑聲不絕。而今次，Reebok就同Tom & Jerry合作推出鞋款，將呢兩位卡通人物嘅趣味感融入鞋款當中。

今次《Reebok x Tom & Jerry》一共合作推出4款鞋款，其中包括同Jerry一樣顏色麂皮嘅Club C 85，可以睇到鞋舌上有Jerry嘅Logo，鞋尾位置則有Jerry鍾意用嘅其中一種武器 - 炸彈，而Jerry最愛嘅芝士就變成鞋底。

除左Jerry配色之外，Club C 85亦有另外兩款白色設計，其中包括鞋身上畫有Tom & Jerry追逐嘅場景以及設計較簡單但於鞋尾配上動畫經常出現「＃」、「？」及「！」圖案。

最後一款就係以Reebok傳奇鞋款Instapump Fury為主，以Tom嘅主色為配色，並加入絨毛設計，整體感覺就好似Tom嘅貓毛一樣。而鞋尾嘅拉環則印有Tom & Jerry字樣，「Pump Button」則印有Tom嘅模樣。

以上嘅鞋款除左成人版之外，亦有童裝版，相信一家人著起《Tom & Jerry》嘅款式，絕對會變得活力十足，於新一年充滿生氣。