高達系列《機動武鬥傳》相信對於唔少香港高達迷黎講有著特別嘅感情，因為故事當中唔少都係以香港作為背景，而主角杜門卡遜與其師傅亞洲天王東方不敗嘅感情亦相當熱氣及感動，其中後者雖然作為反派，但卻意外獲得Fans喜歡。

作為售賣Figure為主嘅MegaHouse，近日就推出東方不敗嘅Figure供Fans預訂，售價為13200日元連稅，預計正式發售日為今年6月。

東方不敗貴為第12屆高達擂台嘅盟主，武藝高強，自創流派東方不敗，並係前任洗牌同盟嘅盟主「紅心K」。東方不敗個人有不少絕技，其中石破天驚拳就係其流派奧義，後來杜門亦成功習得，並最終上演一幕兩師徒對決，並以杜門擊敗東方不敗作結，後者最終因此而死亡。