韓國電影近年氣勢強勁，獎項同口碑更是超越90年代港產片輝煌期，爆趣笑片可否同樣出色呢？過年後除左一眾港式笑片外，最有趣應屬韓國笑片《獸頭救兵》，故事創新有趣，正中好多人心中疑惑動物園的獅子老虎熊貓其實係咪人扮嘅呢？係真係可以人扮，呢間動物園妙計求收視，全部搵真人扮但居然成功引發熱潮大家排隊參觀咁「搞野」的獸頭救兵動物園，建議海洋公園應該學野，快出來承認熊貓其實都係人扮，再搵多D人扮唔同動物增加就業，你夠膽玩創新先吸引到後生仔，唔駛一百億救亡啦，大量招聘年輕人入海洋公園扮動物，園內唔同動物行來行去肯定好過伸大手板要100億建大白象新設施，大家快入場睇《獸頭救兵》學點扮動物出色抵死！

對上一部出色又令人印象深刻嘅韓式笑片係《炸雞特攻隊》，今次同一合作班底的《獸頭救兵》 應該更純粹走搞笑路線，當然韓國的笑片唔係單單無里頭，都有嚴謹有趣嘅劇情，再加上由《請回答1988》安宰弘及《陽光姐妹淘》姜素拉合作，國民女神兼百變男神出品，所以係韓國上映氣勢強勁成為一時熱話， 成功於當地勇奪韓西票房冠軍。 韓國電影好受到當年港產片嘅影響，但又能夠喺新嘅世代適應全新的社會形勢，唔計獨立於全球的內銷型中國影壇，韓國應當屬亞洲電影界現時的一哥。

《獸頭救兵》故事講述一班有心人需要重振一間即將停業的動物園，但呢間動物園裡面已經無哂動物啦……因此佢地諗到一條「屎橋」，決定讓動物園的伙記們一起扮成動物面對前來的遊客！《獸頭救兵》可謂專為演員們而設的爆笑喜劇！《獸頭救兵》原著作者HUN 在韓國大有來頭，2013年金秀賢主演的電影《三個特攻美少年》，在韓國錄得接近七百萬入場人次佳績，電影正是改編自他2011年的同名漫畫。曾執導《我的恐怖女友》（2006）及《二樓的惡人》（2010）的孫在坤導演，發揮獨步江湖敏銳喜劇觸覺，這次創作出新奇有趣，令人睇得痛快的瘋狂喜劇。

預告一開始就先勾起大家的共同回憶重溫10年前可口可樂的北極熊版廣告，還原程度超高！除了借用可口可樂的「Gag」外，電影還大玩《星球大戰》，安宰弘指樹懶似足星戰的Chewie，吸引一眾《星戰》迷！成件事就係非常好玩抵死，如果呢套戲肯放新春做賀歲片，我覺得應好笑過好多炒冷飯年年都同一模式的賀歲片囉。而且大家仲要特別留意一下電影中五位主角著嘅動物頭套同埋道具服裝，啲動物道具裝幾可亂真，絕對係電影嘅靈魂道具。 

《獸頭救兵》已經係韓國1月15日率先上映，預售票房亦都成功榮登NO.1！佔了當地票房22.7%！香港要2月13日先上映，不過搞笑好睇的笑片，相信非常值得期待！我知道有人一定會話，係外國有人係動物園扮動物先至好笑，香港或者大陸，呢D只係中國人之日常生活，真動物去哂野味市場啦！大驚小怪的港璨....   

故事大綱：

韓國史上No.1賣座喜劇《炸雞特攻隊》製作公司，2020搶閘狂笑大賣作，再挑戰笑冧人極限！低級律師夢想向上爬，終被大老闆欽點，空降破產動物園做CEO，限他3個月止蝕兼大賺！但值錢動物已被賣走，上頭又無心幫手，空殻動物園極難吸客，唯有...... 搵人扮動物頂住先？熱血園工落足力，人流亦見起色，動物園卻面臨一個前所未見大危機！