就嚟進入5G世界，就嚟即係未啦，所以數據同傳輸都係需要慳住用，尤其行街搭車流動串流想煲劇，全新的AV1 codec 選項新格式播片串流， 4K HDR都可以慳3成電話數據流量，因為呢個新格式檔案細左好多，Netflix正開始慢慢應用，呢個消息有咩咁重要？傻豬嚟，Think big啦，4K串流慳3成，慢慢Netflix又用，AppleTV又用，連Pornpub都用的時候，世界就會改變....

最新的消息係Android 版 Netflix 開始有限度地提供 AV1 codec 選項，點為之有限度，就係要係手機Netflix apps中選擇「節省數據」模式，選項中就會見到一個新的 AV1 選項。開啟之後，部分「特定」內容就會基於 AV1 codec 傳輸播放啦。分別就係檔案細左串流快左囉！

而其實呢個所謂的AV1 codec 選項暫時都未有咩公司選用，成件事始於2015，當時Netflix 就聯同 Amazon、Google、Intel 和多間大企業共同開發一個免費免授權的共享新解碼制式 codec 方案。目的都係縮細原檔案大細，慳流量。呢個AV1的缺點就係係當時開發期來講，硬件要求太高，但今時今日，手機的規格已經勝過過去的大牛龜電腦，如今正是時候試推新格式。當然仲要試過先知會唔會引致手機發熱、瘋狂食電等情況。

而我地睇的，當然不會甘心於Netflix播放，呢次試溫石主要睇呢個AV1 Codec係唔係成功同成熟的技術，由於其免費共享4K高清慳流量特性，成功的話有望推動世界串流的前進，當然最成功的科技變革往往由「色情」開始，問心對上一次你會研究咩影視codec ，會唔會係DL左套新片開唔到先求問？ 任何新格式連pornpub等等不同媒體都用就是大成功。