香港電影導演及藝人麥浚龍近日與Leica香港攜手合作，舉辦一個名為「the broken dreams we left behind …」首個個人攝影展覽，大家將有機會從其作品中睇下呢位經歷高低起伏嘅演藝人眼中嘅世界。

「我相信慢活，所以時間與我的關係一向也很陌生，年月日時分秒刻的點滴，主要是透過體驗，歷程，企劃等來界定我自身的記憶。

與 Leica 的合作給予我空間去呈現我眼簾下的這片幻都。

不想被色彩寵壞，因此與耐看擦肩。

記不起從何開始遺忘，遺憾美，是因世間上並沒完人。

遺留下的事地人物，讓我，從新拾起。

承讓•指教

幻都•狂想

an urban fantasy.」

- 麥浚龍

今次Juno嘅攝影展副題為「記不起從何開始遺忘。」透過照片訴說故事。Juno 認為，香港好多地標或區域往往會被人遺忘，甚或對不甚起眼嘅角度一無所知。佢所到之處嘅氛圍、耳聞嘅故事，都係佢攝影嘅靈感之源。

Juno呢個小型攝影展覽，精心挑選左15 張照片，全部都係用Leica相機拍攝的黑白相，有興趣嘅朋友即日起至4月16日可以到Leica香港銅鑼灣旗艦店欣賞。

如你喜歡影黑白相，咁Leica全新推出嘅M10 Monochrom相機就岩晒你，係Leica旁軸系統中首款擁有ISO 160至ISO 100000超大感光度範圍嘅黑白相機，其捕捉細節嘅細膩程度將超乎想像。

售價: $70,500