海洋堂今年開創新品牌「海洋堂EXCLUSIVE」，以少量、高質、大件同貴為特質，展現「造型作品的魅力」。而系列最新作就有兩隻《EVA》初號機，睇相你可能會覺得佢哋係一模一樣，實際上有極大不同！

首先要介紹嘅係「ART MASTER 3D 初號機 松村EVA」，機體造型來自知名動物造型作家松村忍老師於1997年為海洋堂設計的「GK套裝」，所以可以見到初號機多咗好多肌肉線條，整體更似仿生獸。最新出嘅呢隻，係以3D技術掃瞄97年嗰隻，放大後，再由松村忍老師加上更多細節以及調整姿勢，然後以3D打印技術製作，全高88cm，重10kg。預計5月發售，呢兩日訂仲8折，售價為110400Yen，即約HK$7800。