去年Netflix最成功的劇作係《獵魔士》(The Witcher)，作為著名遊戲和小說改篇的大作，遊戲的魔力大大提昇電視劇的吸引度，於是乎Netflix開始對電班遊戲的故事充滿信心，未來最引人入勝備受期待的肯定係前年就宣佈將會改篇真人版電視劇的著名遊戲大作《生化危機》（Biohazard或Resident Evil），適逢世界正經歷疑似路徑相同的恐怖新病毒，《生化危機》劇集的一舉一動都引發熱話，近日就有 Netflix 媒體中心又再一次玩唔小心洩露劇作訊息，官方成功係網上公開一下劇作的劇情簡介，當然咁唔小心的野即時馬上被刪除，但呢個世界就係好多「Cap」圖王，一早就截哂圖流通網絡，又被佢地成功造成熱話。又咁睇，《生化危機》已經成為全球熱烈期待的新劇作，因為大家都覺得自己活在當下，等緊睇爆鑊解構《生化危機》實驗室內幕真相呀！

It has finally been confirmed that a Netflix adaptation of Resident Evil is in the works. Attached is a description taken from Netflix's Media Center. See also a WaybackMachine archive of the search result we took a few minutes ago:https://t.co/sAtmqupwuV pic.twitter.com/wmPgoLtafI

— Resident Evil Wiki (@RE_Wiki) February 7, 2020

據流出的劇情簡介寫住「美國Clearfield 小鎮長期都籠罩係三個龐然巨獸的陰影之下，即係保護傘公司、廢棄的 Greenwood Asylum療養院，以及華盛頓的美國政府。如今，就係 T 病毒被發現第 26 年之後，呢三大勢力所隱藏的秘密將會在一次大爆發中被正式揭開。」

恐怖的世代由《生化危機》第一集的豪華大宅暗藏的病毒實驗室開始，再傳到整個被封城最後被核彈徹底毀滅浣熊市，慢慢發展到日後的《生化危機》，連美國總統都死埋，病毒強大異變，一切要等到26年之後，背後總總關系黑暗權力和野心先慢慢呈現解構出來，大家最期待就係真相，也因此呢套《生化危機》全球等住睇！

不過就算大家幾咁想即時睇，而家只能做的是乖乖留在家抗疫，想要真相《生化危機》都要等26年，電視劇就可能今年6月先開拍，預計係南非取景，最快都要等到下年上半季先有機會推出第一季，一季有8集。現實點，真相無咁快睇得到，保命最要緊，鬥長命睇下有關人等點樣收場，永遠真理係「活得比你更好」「你沒有好結果」！

急或掛念呢個大作，可以先打住舊遊戲作止癮，或者下星期可以上Netflix 睇下2017年動畫版本《Resident Evil：Vendetta》（生化危機：血仇殺戮）CG 電影，據知2 月 20 日就會上架，生化危機迷都係不容錯過